ՀՀ-ի անդամակցությունը ԵՄ-ին և ԵԱՏՄ-ին փոխբացառող բաներ են. Զախարովա

Հայաստանի անդամակցությունը ԵՄ-ին և ԵԱՏՄ-ին կոնկրետ պարամետրերով փոխբացառում են միմյանց։ Այս հայտարարությունն արել է ՌԴ ԱԳՆ պաշտոնական ներկայացուցիչ Մարիա Զախարովան։

«ԵՄ-ին անդամակցելն ու ԵԱՏՄ-ին անդամակցելը փոխընդունելի բաներ չեն։ Դրանք, ցավոք կամ բարեբախտաբար (յուրաքանչյուրը կարող է ինքնուրույն որոշել), փոխբացառող բաներ են հենց կոնկրետ պարամետրերով, ոչ ըստ գաղափարական կամ քաղաքական վերաբերմունքի», - պարզաբանել է Զախարովան։

Հիշեցնենք՝ երեկ ԱԺ-ն երկրորդ ընթերցմամբ և ամբողջությամբ ընդունել է «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագիծը: Կողմ են քվեարկել 64 պատգամավոր, դեմ՝ 7, ձեռնպահ՝ 0: «Հայաստան» խմբակցությունը չի մասնակցել քվեարկությանը, իսկ «Պատիվ ունեմ»-ը դեմ է քվեարկել: