Երևանն ու Բաքուն ավարտել են բանակցությունները կապիտուլյացիոն համաձայնագրի տեքստի շուրջ․ ադրբեջանական ԶԼՄ-ներ

Հայաստանն ու Ադրբեջանն ավարտել են բանակցությունները՝ համաձայնեցնելու, այսպես կոչված, խաղաղ համաձայնագրի տեքստը, լրագրողներին ասել է Ադրբեջանի արտգործնախարար Ջեյհուն Բայրամովը։ Այս մասին տեղեկանում ենք թշնամական լրատվամիջոցներից։

Նրա խոսքով, Հայաստանն ընդունել է ադրբեջանական կողմի առաջարկները համաձայնագրի վերջին երկու չհամաձայնեցված կետերի վերաբերյալ։

«Հաջորդ փուլում Բաքվի ակնկալիքներն այն են, որ Հայաստանը պետք է փոփոխի իր սահմանադրությունը, որը դեռևս տարածքային պահանջներ է պարունակում Ադրբեջանի նկատմամբ»,- ասել է Բայրամովը։

Հիշեցնենք՝ ավելի վաղ ՀՀ ԱԺ «Հայաստան» խմբակցության պատգամավոր, ՀՅԴ անդամ Քրիստինե Վարդանյանը նշել էր՝ Ադրբեջանը հայտարարում է, որ Հայաստանի հետ պայմանագրի տեքստի վերաբերյալ բանակցություններն ավարտվել են, Փաշինյանն ընդունել է նաև Բաքվի երկու պահանջները միջազգային հայցերի ետ քաշման և երրորդ երկրների զորքերի չտեղակայման վերաբերյալ։