Իսրայելը ավիահարվածներ է հասցրել Սիրիայի հարավում գտնվող թիրախներին

Իսրայելական ռազմական ինքնաթիռներն օդային հարվածներ են հասցրել Սիրիայի մայրաքաղաք Դամասկոսից հարավ գտնվող ալ-Քիսուա բնակավայրի, ինչպես նաև Դարաայի և Կունեյտրայի նահանգների ռազմական հենակետերի ուղղությամբ։ Այս մասին հայտնել է սիրիական ​​հեռուստատեսությունը:

Միևնույն ժամանակ իսրայելական ցամաքային ուժերը մի քանի շրջաններում թիրախավորել են զորանոցներ։ Դամասկոսի բնակիչները հայտնել են, որ Դամասկոսի, Կունեյտրայի, Դարաայի և սիրիա-լիբանանյան սահմանի մոտակայքում լսվել են ցածր բարձրության վրա թռչող օդանավերի ձայներ,  ինչպես նաև լսվել են մի քանի պայթյուններ։

Իսրայելի պաշտպանության նախարար Իսրայել Կացը նշել է, որ  իսրայելական օդուժն «ուժգին հարձակումներ է գործում Սիրիայի հարավում»՝ ընդգծելով, որ «սիրիական բանակի ցանկացած փորձ՝ կառուցելու և ընդլայնելու իր կարողությունները հարավային Սիրիայի տարածքներում, կդիմավորվի կրակով»: