Լավրովը հանդիպում է ունեցել ԱՊՀ անդամ երկրների դեսպանների հետ

Մոսկվայում այսօր տեղի է ունեցել ԱԳ նախարար Սերգեյ Լավրովի և Ռուսաստանում հավատարմագրված ԱՊՀ անդամ երկրների դեսպանների ավանդական հանդիպումը: Դրան մասնակցել է նաև Համագործակցության գլխավոր քարտուղար Սերգեյ Լեբեդեվը ՝ հայտնում է ՌԴ ԱԳՆ կայքը։

Հաղորդվում է, որ միջոցառման ընթացքում ամփոփվել են 2024 թվականին ՌԴ նախագահությամբ ԱՊՀ ձևաչափով համագործակցության արդյունքները։ Նախանշվել են 2025-ի հիմնական խնդիրները. սա Հայրենական մեծ պատերազմում հաղթանակի 80-ամյակի, նացիզմի դեմ պայքարում խաղաղության և միասնության տարի է։

Հանդիպման մասնակիցները մտքեր են փոխանակել գլոբալ և տարածաշրջանային խնդիրների շուրջ։