Ռուսական զորքերը վերահսկողության տակ են վերցրել ԴԺՀ Կրիմսկոյե բնակավայրը․ ՊՆ

Ռուսական զորքերը վերահսկողության տակ են վերցրել ԴԺՀ-ում գտնվող Կրիմսկոյե բնակավայրը, հայտնել է ՌԴ պաշտպանության նախարարությունը:

««Կենտրոն» զորքերի խմբավորման ստորաբաժանումները շարունակել են ակտիվ հարձակողական գործողությունները և ազատագրել Դոնեցկի Ժողովրդական Հանրապետության Կրիմսկոյե բնակավայրը», - ասվում է հաղորդագրության մեջ:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։