ՌԴ-ից գազի մատակարարումների դադարեցումը բացասաբար կանդրադառնա եվրոպացիների կյանքի վրա. Զախարովա

Ուկրաինայի տարածքով ռուսական գազի տարանցիկ մատակարարումների դադարեցումը բացասաբար կանդրադառնա Եվրոպայի տնտեսական ներուժի և եվրոպացիների կենսամակարդակի վրա։ Այս մասին ասվում է ՌԴ ԱԳՆ պաշտոնական ներկայացուցիչ Մարիա Զախարովայի մեկնաբանության մեջ։

«Մրցունակ և էկոլոգիապես մաքուր ռուսական էներգիայի մատակարարումների դադարեցումը ոչ միայն թուլացնում է Եվրոպայի տնտեսական ներուժը, այլև շատ բացասաբար է ազդում եվրոպացի քաղաքացիների կենսամակարդակի վրա։ Կիևի ռեժիմի որոշման աշխարհաքաղաքական ֆոնն ընկած է մակերեսի վրա: Հին աշխարհի էներգետիկ շուկայի վերաբաշխման հիմնական շահառուն և ուկրաինական ճգնաժամի գլխավոր հովանավորը ԱՄՆ-ն է», - ընդգծել է դիվանագետը։