ԵՄ-ում ՌԴ-ից գազի մատակարարումների դադարեցումից հետո էներգակիրների գների թռիչքներ չկան. ԵՀ

Եվրամիությունում էլեկտրաէներգիայի թանկացումներն Ուկրաինայի տարածքով ռուսական գազի մատակարարումների դադարեցումից հետո դեռևս չեն նկատվել, Եվրահանձնաժողովը (ԵՀ) ուշադիր հետևում է իրավիճակին։ Այս մասին Բրյուսելում կայացած մամուլի ասուլիսում հայտարարել է ԵՀ ներկայացուցիչ Աննա-Կաիսա Իտկոնենը։

«Նոր տարում թանկացումներ չենք տեսել, շուկան մնում է կայուն»,- ասել է նա՝ պատասխանելով լրագրողների համապատասխան հարցին։ Իտկոնենն ընդգծել է, որ ԵՀ-ն ուշադիր հետևում է գների շուրջ ստեղծված իրավիճակին։

Նրա խոսքով, Եվրահանձնաժողովն արտակարգ խումբ է ստեղծել, որը պատրաստվում էր խզել Ուկրաինայի տարածքով ռուսական գազի տարանցման մասին համաձայնագիրը։ «Գազի վթարային խումբը հավաքվել է անցյալ շաբաթ՝ հաշվառում կատարելու համար: Եվ նրանք եզրակացրին, որ ԵՄ-ի էներգետիկ անվտանգության հետ կապված մտահոգություններ չկան»,- հավելել է Իտկոնենը:

Նա հաստատել է, որ դեկտեմբերի 31-ից հետո Ռուսաստանի Դաշնությունից գազի մատակարարման պայմանագիրը դադարեցվել է։ «Դա եղավ այնպես, ինչպես և սպասվում էր։ Մենք մեկ տարի ինտենսիվ աշխատել ենք ԵՄ երկրների և Ուկրաինայի հետ, որպեսզի պատրաստվենք այս սցենարին»,- ասել է ԵՀ-ի խոսնակը։