Հայաստանից ոչ մի փաստաթուղթ չի ստացվել ՀԱՊԿ-ից դուրս գալու վերաբերյալ. Լավրով

Հայաստանից Հավաքական անվտանգության պայմանագրի կազմակերպությունից (ՀԱՊԿ) դուրս գալու վերաբերյալ փաստաթղթեր չկան։ Այս մասին մամուլի ասուլիսի ժամանակ հայտարարել Է ՌԴ ԱԳ նախարար Սերգեյ Լավրովը՝ մեկնաբանելով ՀՀ վարչապետ Նիկոլ Փաշինյանի հայտարարությունն այն մասին, որ Հայաստանի և ՀԱՊԿ-ի հարաբերություններն անցել են անդառնալիության կետը, գրում է ТАСС-ը։

«Նման փաստաթուղթ չի ստացվել։ Մենք լսում ենք այս խոսակցությունները, Հայաստանի վարչապետը շատ է խոսել և քննարկել այս թեմայով խորհրդարանում։ Մենք ոչ մեկին ոչինչ չենք պարտադրում: Համոզված ենք, որ Հայաստանի անվտանգության շահերից է բխում առավելագույնս օգտագործել անդամակցությունը ՀԱՊԿ-ին»,- ասաց նա՝ պատասխանելով համապատասխան հարցին։ 

Լավրովը նշել է, որ եթե որոշում կայացվի, որի մասին նա խոսում է որպես կանխորոշված եզրակացություն, դա կլինի Հայաստանի ներկայիս ղեկավարության ինքնիշխան իրավունքը։ 

«Ռուսաստանը և ՀԱՊԿ մյուս անդամները չեն ձեռնարկել և մտադիր չեն ձեռնարկել որևէ գործողություն, որը կընկալվի որպես Երևանի առաջ դռների փակում», - ասել է նա: