Բայրամովը հայտարարել է Նախիջևանը Իրանի տարածքով Ադրբեջանին կապելու ծրագրերի մասին

Ադրբեջանը տարածաշրջանի պետությունների հետ իրականացնում է տարածաշրջանային և գլոբալ նշանակության մի շարք նախագծեր՝ այնպիսիք, ինչպիսիք են Բաքու-Թբիլիսի-Կարսը, Հյուսիս-Հարավ միջանցքը:

Այս մասին հայտարարել է Ադրբեջանի արտգործնախարար Ջեյհուն Բայրամովը՝ ելույթ ունենալով Ստամբուլում «3+3» ձևաչափով հանդիպման ժամանակ։

Բայրամովը հույս է հայտնել, որ համատեղ նախագծերը կընդգրկեն նաև Նախիջևանը, մասնավորապես ընդգծել Իրանի տարածքով Ադրբեջանը և Նախիջևանը կապող հաղորդակցությունների արագ ավարտը։

Նշենք, որ անցյալ տարվա հոկտեմբերի 23-ին Թեհրանում տեղի ունեցավ արտգործնախարարների հանդիպումը «3+3» ձևաչափով, որին մասնակցել են նաև Ադրբեջանի, Ռուսաստանի, Թուրքիայի և Հայաստանի արտգործնախարարները։