ՀՀ կառավարությունը ձեռնպահ մնաց սեպտեմբերի 27-ը որպես հիշատակի օր սահմանելուց

ՀՀ կառավարությունը ձեռնպահ մնաց սեպտեմբերի 27-ը որպես հիշատակի օր սահմանելուց։ Որոշումն ընդունվեց ՀՀ կառավարության այսօրվա նիստի ժամանակ՝ չզեկուցվող փաթեթով։

«Հայաստանի Հանրապետության տոների և հիշատակի օրերի մասին» օրենքում լրացում կատարելու մասին» ՀՀ օրենքի փոփոխություններն առաջարկել էր ԱԺ «Հայաստան» խմբակցության պատգամավոր Գեղամ Նազարյանը։

ՀՀ կառավարությունն առաջարկել է ձեռնպահ մնալ օրենքում լրացումն անելուց, քանի որ հունվարի 28-ին նշվող Բանակի օրը հանդիսանում է ոչ միայն Հայաստանի Հանրապետության զինված ուժերի կազմավորման արժևորում, այլ նաև ներառում է բոլոր ժամանակներում Հայաստանի պաշտպանության ապահովման գործում ավանդ ունեցող, այդ թվում՝ կյանքը զոհած անձանց հիշատակի ոգեկոչումը: