Վաղը Հայաստան կժամանի Սևծովյան տնտեսական համագործակցության կազմակերպության գլխավոր քարտուղարը

Հուլիսի 1-ին աշխատանքային այցով Հայաստան կժամանի Սևծովյան տնտեսական համագործակցության կազմակերպության գլխավոր քարտուղար Լազար Կոմանեսկուն։ Այս մասին հայտնում են ՀՀ ԱԳՆ-ից։

ՀՀ ԱԳՆ-ում կկայանա նախարար Արարատ Միրզոյանի և Լազար Կոմանեսկուի հանդիպումը։

* Հուլիսի 1-ից Հայաստանը ստանձնում է ՍԾՏՀԿ նախագահությունը։ Կազմակերպությունում Հայաստանի նախորդ նախագահությունը եղել է 2018թ. առաջին կեսին։

ՏԵԽՆԻԿԱԿԱՆ ՄԱՆՐԱՄԱՍՆԵՐ

ՀՀ ԱԳ նախարարի և ՍԾՏՀԿ գլխավոր քարտուղարի հանդիպումը կկայանա ԱԳՆ-ում հուլիսի 1-ին, ժ. 15:00։ Հանդիպման լուսաբանմանը հրավիրվում են ՀՀ ԱԳՆ-ում տարեկան հավատարմագրում ունեցող ԶԼՄ լուսանկարիչները և օպերատորները։ 

Հանդիպման լուսաբանմանը մասնակցելու համար անհրաժեշտ է ՀՀ ԱԳՆ ժամանել ժ. 14:40 և ներկայացնել ԱԳՆ տարեկան հավատարմագրման վկայականը։