Հայաստանին ԵՄ-ում չեն սպասում․ Արեգնազ Մանուկյան

ՀՀ ԱԺ ընդդիմադիր պատգամավոր Արեգնազ Մանուկյանը РИА Новости-ի հետ զրույցում հայտարարել է, որ հեռանկարում ԵՄ-ում չի տեսնում Հայաստանը, առավել ևս, որ այնտեղ այս երկրին չեն սպասում։

«Միանշանակ ո՛չ, քանի որ անհնար է միաժամանակ լինել երկու իրարամերժ դաշինքներում։ Ավելին, նրանք մեզ այնտեղ չեն սպասում։ Մենք չպետք է դառնանք երկրորդ Ուկրաինա։

Իմ դիրքորոշումն ակտիվ համագործակցությունն է ԵԱՏՄ-ի և ՀԱՊԿ-ի շրջանակներում»,-ասել է Մանուկյանը՝ պատասխանելով հարցին՝ ապագայում Հայաստանը տեսնո՞ւմ է ԵՄ-ում։

Նրա խոսքով՝ Երևանը պետք է զարգացնի իր հարաբերությունները նաև այլ երկրների ու միությունների հետ։

«Բայց մեր հիմնական տեղը վերը նշված կազմակերպություններն են»,-հավելել է նա։