Վաշինգտոնն ու Բրյուսելը բացահայտ հայանպաստ հանրային դիրքորոշում ունեն․ Ադրբեջանի ԱԳՆ

ԵՄ-ի, Հայաստանի և ԱՄՆ-ի համատեղ համաժողովն ակնհայտորեն «միակողմանի ու կողմնակալ է» և հիմնված է երկակի ստանդարտների վրա։ Այս մասին հայտարարել է Ադրբեջանի արտաքին գործերի նախարարությունը։

«Համաժողովը թափանցիկ չէ, զուրկ է տարածաշրջանային ընդգրկունությունից և հակասում է տարածաշրջանում այդքան անհրաժեշտ վստահության և ինտեգրման ձևավորմանը։

Վաշինգտոնի և Բրյուսելի նման բացահայտ հայանպաստ հանրային դիրքորոշումը Հայաստանում ռևանշիստական տրամադրությունների ֆոնին կարող է վտանգավոր պատրանք ստեղծել Հայաստանում, որ ԵՄ-ն և ԱՄՆ-ն կաջակցեն նրան Ադրբեջանի դեմ հաջորդ հնարավոր սադրանքներում։ 

Այս դեպքում ԵՄ-ն և ԱՄՆ-ն կիսելու են պատասխանատվությունը Հայաստանի ցանկացած ապակայունացնող գործողությունների համար»։