«Կրոկուս»-ի հարձակման մեջ մեղադրվող երկու անձինք ցուցումներ են ստացել Թուրքիայում

«Կրոկուս»-ի ահաբեկչության մեջ մեղադրվողներից երկուսը հրահանգներ են ստացել Թուրքիայում: Այս մասին գրում է «Известия»-ն։ 

Ահաբեկչության մնացած մասնակիցները հայտնաբերվել և հավաքագրվել են Ռուսաստանի տարածքում։

«Հետաքննության նախնական տվյալները ցույց են տալիս, որ Crocus City Hall-ի ահաբեկչության կատարողները ծանոթացել են մոտ 3-4 շաբաթ առաջ և մինչ այդ հանրային տիրույթում, սոցիալական ցանցերում չեն թողել արմատական իսլամիստական խմբավորումների հետ իրենց կապերի որևէ ապացույց։ Ամենայն հավանականությամբ, մենք գործ ունենք պատահական կատարողների հետ, որոնք փողի պակաս ունեն և արմատականացվել են իրենց կուրատորի կողմից»,- ասել է պարբերականի զրուցակիցը: