Մոսկվա-Երևան չվերթի ուղեւորուհին կատակել է ասելով, որ իր ուսապարկում ռումբ կա. RT

Շերեմետևո օդանավակայանում ինքնաթիռի ուղևորուհին ասել է ռումբի մասին, քանի որ իրեն նյարդայնացրել է ուղեկցորդուհու հեռախոսային խոսակցությունը, հայտնում է RT-ն՝ վկայակոչելով իրավապահ մարմինների աղբյուրին։ Պայթուցիկի մասին արտահայտությունը կատակ է եղել։

«Կինը դժգոհ է եղել այն բանից, որ երբ մարդիկ բարձրանում էին ինքնաթիռ, ուղեկցորդուհին հեռախոսով խոսում էր մեկի հետ։ Դրա համար էլ ասել է. «Դադարեցրու խոսելդ, հակառակ դեպքում չես նկատի իմ ուսապարկի ռումբը», – հավելել է աղբյուրը:

Դրանից հետո անձնակազմը ոստիկանություն է կանչել։ Ուղևորուհուն բերման են ենթարկել, այժմ նա հարցաքննվում է։

Ավելի վաղ հայտնել էինք, որ Մոսկվա-Երևան թռիչքի ուղևորուհին հայտարարել է՝ իր ուսապարկի մեջ ռումբ կա: