Ֆրանսիան ավելի ու ավելի է ներքաշվում Ուկրաինայի հակամարտության մեջ՝ Ռուսաստանին թշնամի դարձնելով. Պեսկով

Ֆրանսիան գնալով ավելի է ներգրավվում Ուկրաինայի հակամարտության մեջ, նա արդեն մասնակցում է դրան։ Այս մասին ասել է ՌԴ նախագահի մամուլի քարտուղար Դմիտրի Պեսկովը, գրում է ТАСС-ը։

Նա նշել է, որ այս իրավիճակում Փարիզը դառնում է Մոսկվայի թշնամին։

«Մենք կարդում ենք Ֆրանսիայի նախագահ Էմանուել Մակրոնի հայտարարությունները։ Ռուսաստանը թշնամի է Ֆրանսիայի համար դա ակնհայտ է, քանի որ Ֆրանսիան արդեն ներգրավված է Ուկրաինայի պատերազմի մեջ»,- նշել է Կրեմլի ներկայացուցիչը։

«Նա, ըստ էության, անուղղակիորեն մասնակցում է այս պատերազմին։ Եվ, դատելով պարոն նախագահի հայտարարություններից, նա դեմ չէ իր ներգրավվածության աստիճանը բարձրացնելուն»,- հավելել է Պեսկովը։