Դատական իշխանության հետ փոխադարձ հարգանքը մեսիջներով չպետք է արտահայտվի․ Դավիթ Բալայանը՝ Վլադիմիր Վարդանյանին

Դատական իշխանության հետ փոխադարձ հարգանքը մեսիջներով չպետք է արտահայտվի։ Չհասկացա՝ ինչո՞ւ եք կասկածի տակ դնում իմ մասնագիտական գիտելիքը։ ԱԺ ամբիոնից հայտնեց դատավոր Դավիթ Բալայանը։
ԱԺ-ի նիստի օրակարգում՝ Սահմանադրական դատարանի դատավորի ընտրության հարցն է։ ՀՀ դատավորների ընդհանուր ժողովը առաջադրել է Երևան քաղաքի առաջին ատյանի ընդհանուր իրավասության և քրեկական դատարանի դատավոր Դավիթ Բալայանի թեկնածությունը։

Բալայանը եզրափակիչ ելույթում անդրադարձավ իրենից առաջ ելույթ ունեցած ՔՊ-ական պատգամավոր Վլադիմիր Վարդանյանի խոսքերին։ «Ասում եք՝ ավելի բարեվարք թեկնածու․ միգուցե դուք ծանոթ չեք, բայց կոռուպցիայի կանխարգելման հանձնաժողովը դրական եզրակացություն է տվել իմ բարեվարքության վերաբերյալ՝ առանց որևէ վերապահման»։ 

Հարցին՝ ինչպե՞ս է տեսնում իր դերը Սահմանադրական դատարանում, Բալայանը պատասխանեց․ «Ես գտնում եմ, որ Սահամանադրական դատարանում կարող եմ իրականացնել սահմանադրությամբ կոնվենցիոն երաշխավորված իրավունքները և ապահովել սահմանադրական մարմինների վեճերի մեջ ճիշտ լուծումը»։

Մանրամասն՝ տեսանյութում