Դեկտեմբերի 26-ին կբացվեն ԱԺ այգու դռները

Դեկտեմբերի 26-ին՝ ժամը 17:00-ից, կբացվեն ԱԺ այգու դռները:

«Սպասո՞ւմ եք Ամանորի հրաշքին: Ուրեմն դեպի Ազգային ժողովի այգի: Դեկտեմբերի 26-ին՝ ժամը 17:00-ից խորհրդարանի բակը կվերածվի իսկական հեքիաթի:

Այդ օրը կրկին փոքրիկների համար մի քանի ժամով կբացվեն ԱԺ այգու դռները, որտեղ հյուրերին կդիմավորեն ամենատարբեր ու սիրելի հերոսները, չարաճճի Գրինչը, ամենաբարի էլֆերն ու, իհարկե, Ձմեռ պապը:

Ծրագրում՝

• փուչիկներից կերպարների պատրաստում,
• պղպջակներով շոու,
• մրցութային խաղեր տարբեր տարիքի երեխաների համար,
• ինչպես նաեւ տաք ու համեղ հյուրասիրություն:

Բարձր տրամադրություն, ժպիտներ, նվերներ ու անակնկալներ ԱԺ այգում՝ դեկտեմբերի 26-ին՝ ժամը 17:00-ից:

Մուտքն ազատ է բոլորի համար: Եկեք միասին ստեղծենք հեքիաթային ու անմոռանալի պահեր»,- ասվում է ԱԺ հաղորդագրությունում: