Արթիկի գերեզմանատան պանթեոնում բացակայում են մեր զույգ հանրապետությունների պետական դրոշները. Մհեր Մելքոնյան

Վերջին օրերի ընթացքում բազմաթիվ ահազանգեր եմ ստացել Արթիկ համայնքի բնակիչներից այն մասին,որ տևական ժամանակ է ինչ քաղաքի գերեզմանատան պանթեոնում բացակայում են մեր զույգ հանրապետությունների պետական դրոշները. այս մասին ահազանգում է ՀՀ ԱԺ «Հայաստան» խմբակցության պատգամավոր Մհեր Մելքոնյանը։

Նա մասնավորապես նշել է՝

«Այսօր ահազանգի հետքերով այցելեցի պանթեոն,ուր ամփոփված են 44-օրյա պատերազմի ժամանակ անմահացած հերոս արթիկցիների աճյունները։

Չմանրանալով դրոշների բացակայության պատճառների մեջ՝ հորդորում եմ Արթիկ համայնքի ղեկավարությանը շատ արագ լուծել առաջացած խնդիրը և Հայաստանի ու Արցախի Հանրապետությունների դրոշները նորից բարձրացնել պանթեոնում։

Մեր զույգ հանրարապետությունների պետական խորհրդանիշները սրբություն են»։