Գազայի հատվածում Ալ Ահլի հիվանդանոցի հրթիռակոծման հետևանքով ավելի քան 800 մարդ է զոհվել

Ավելի քան 800 մարդ է զոհվել Գազայի հատվածում Ալ Ահլի հիվանդանոցի հրթիռակոծման հետևանքով։ Հարյուրավոր մարդիկ վիրավոր են, հաղորդում է Al-Jazeera հեռուստաալիքը՝ հղում կատարելով Պաղեստինի առողջապահության նախարարության ներկայացուցչին: 

«Գազայի կենտրոնում գտնվող հիվանդանոցի վրա հարձակման հետևանքով բոլոր զոհվածները խաղաղ բնակիչներ էին» - ասել է ԱՆ ներկայացուցիչը՝ հավելելով, որ «հիվանդանոցի ռմբակոծության հետևանքով բոլոր վիրավորվածները նույնպես խաղաղ բնակիչներ են։

Առողջապահության նախարարության ներկայացուցչի խոսքով՝ «նախորդ տարիներին պաղեստինյան և իսրայելական կողմերի միջև ոչ մի հակամարտության ժամանակ այս հիվանդանոցը երբևէ հարձակման չի ենթարկվել»։