Մալին, Նիգերը և Բուրկինա Ֆասոն միավորում են ուժերը պաշտպանական դաշինքում

Մալին, Նիգերը և Բուրկինա Ֆասոն՝ Արևմտյան Աֆրիկայի Սահելի երեք երկրները, որոնք կառավարվում են ռազմական խունտաների կողմից, շաբաթ օրը անվտանգության պակտ են ստորագրել՝ խոստանալով օգնել միմյանց ցանկացած ապստամբության կամ արտաքին ագրեսիայի դեպքում, հաղորդում է Reuters-ը:

Մալին և Բուրկինա Ֆասոն խոստացել են օգնել Նիգերին, եթե նա ենթարկվի հարձակման։

«Պայմանագրի մեկ կամ մի քանի կողմերի ինքնիշխանության և տարածքային ամբողջականության դեմ ցանկացած հարձակում կդիտվի որպես ագրեսիա մյուս կողմերի դեմ», - ասվում է պայմանագրի կանոնադրության մեջ, որը հայտնի է  Սահելի պետությունների դաշինք անվանումով:

Փաստաթղթում նշվում է նաև, որ այլ պետություններ օգնություն կտրամադրեն անհատապես կամ կոլեկտիվ, այդ թվում՝ զինուժի կիրառմամբ։

Երեք երկրները պայքարում են իսլամական ապստամբներին զսպելու համար, որոնք կապված են «Ալ-Քաիդայի» և «Իսլամական պետության» հետ, ինչպես նաև հեղաշրջումների պատճառով բախվել են հարևան երկրների և միջազգային գործընկերների հետ լարվածությանը:

Նիգերի վերջին հեղաշրջումը ևս մեկ սեպ խրեց այս եռյակի և տարածաշրջանային բլոկի՝ Արևմտյան Աֆրիկայի պետությունների տնտեսական միության (ECOWAS) միջև, որը սպառնացել է ուժ կիրառել՝ երկրում սահմանադրական իշխանությունը վերականգնելու համար: