Ինչպես են ադրբեջանցիներն ամրանում Տեղ գյուղի մերձակայքում

«Ազգային վերահսկողության համակարգ» ՀԿ նախագահ, պահեստազորի սպա Արթուր Գրիգորյանը տեսանյութ է հրապարակել Տեղ գյուղի մերձակայքից, թե ինչպես են ադրբեջանցիներն ամրանում տեղանքում:

«Տեսանյութում ողջ զինվորական տեխնիկան ադրբեջանական է: Սա ադրբեջանցիների կողմից նոր օկուպացված տարածքներն են Տեղ համայնքում»,- գրել է նա:

Հիշեցնենք, որ ավելի վաղ ԱԱԾ-ն հայտնել էր Տեղ գյուղի մոտ որոշ տեղերում ադրբեջանական կողմը, չսպասելով նախապես պայմանավորված ճշգրտումներին, սկսել է դիրքավորվել և իրականացնել ինժեներական աշխատանքներ:

Հայկական կողմի հաշվարկներով հինգ այդպիսի կետ կա, որտեղ ադրբեջանական կողմը սահմանից 100-ից 300 մետր ավելի առաջ է տեղակայվել: Այժմ պայմանավորվածություն է ձեռբերվել, որ երկու կողմերի քարտեզագիրները ճշգրտեն իրավիճակը: Հայկական կողմն իրավիճակին մոտենում է էսկալացիա թույլ չտալու տրամաբանությամբ: