Իր տղուն բաց են թողել հենց այդ «համապատասխան միջոցների» օգտագործմամբ. անդադարձ ՔՊ-ական պատգամավորի ելույթին

Մարդը տունը սպասավորներ է պահում, նրանցից մեկին, կարծեմ՝ խոհարարին, վճարում է աշխատավարձը, դրանից մի քիչ հետո նույն մեծահարուստի տղան դանակը դնում է սպասավորի վզին ու սպառնալիքով վերցնում աշխատավարձը, կարծեմ՝ 20 հազար դրամ։ Հետո ազատ է արձակվում կալանքից, որովհետև հերը նիկոլական դեպուտատ ա։

Հետո էդ հերը ելույթ է ունենում ԱԺ ամբիոնից ոչ ավել ոչ պակաս՝ ընտանիքում բռնության կանխարգելման, բռնության ենթարկվածների պաշտպանության թեմայով ու ասում է՝ «Բռնության պատճառները մեր ավանդույթներն են, մտածելակերպը, պատկերացումները, ադաթները։ Հասարակությունը պետք է հասկանա, որ ընտանեկան բռնությունը ոչ մի կերպ չի օժանդակում հասարակության ներդաշնակ զարգացմանը և պետք է նաև ձեռնարկվեն համապատասխան միջոցներ»։

Հենց այդ «համապատասխան միջոցների» արդյունքում են բռնությունները շարունակվում, որովհետև իր տղուն բաց են թողել «համապատասխան միջոցների» օգտագործմամբ:

Սևակ Հակոբյան 

Yerevan.Today կայքի գլխավոր խմբագիր