Թուրքիայում 84 տարեկան հասակում մահացել է երկրի գլխավոր ընդդիմադիր Հանրապետական-ժողովրդական կուսակցության նախկին առաջնորդ եւ Անթալիայից պատգամավոր Դենիզ Բայքալը։
Այս մասին Twıtter–ի իր էջում հայտնել է կուսակցության առաջնորդ Քեմալ Քըլըչդարօղլուն։
Բայքալը եղել է Թուրքիայի «կորսված տասնամյակի»՝ 1990-ականների գլխավոր քաղաքական դեմքերից մեկը, եղել է այդ ժամանակ միմյանց հաջորդող կոալիցիոն կառավարություններում, զբաղեցրել փոխվարչապետի և ԱԳՆ ղեկավարի պաշտոնը։
Հայտնի էր իր հակահայկական դիրքորոշումներով։