կարևոր
2371 դիտում, 1 տարի առաջ - 2022-12-13 10:00
Քաղաքական

Որքա՞ն է «նստել» բյուջեի վրա ԱԺ պաշտոնյաների Կատար գործուղումը. «Հրապարակ»

Որքա՞ն է «նստել» բյուջեի վրա ԱԺ պաշտոնյաների Կատար գործուղումը. «Հրապարակ»

«Հրապարակ» թերթը գրում է.

ԱԺ նախագահի խորհրդատու-օգնական Համլետ Գեւորգյանի եւ ԱԺ աշխատակազմի արարողակարգի վարչության պետ Հակոբ Հաջի-Հակոբյանի՝ Քաթար գործուղման հետ կապված ճանապարհածախսը վճարվել է ՀՀ 2022 թ. պետական բյուջեով՝ ԱԺ-ին այդ նպատակի համար հատկացված միջոցների հաշվին՝ մեր հարցին պատասխանել են ԱԺ-ից։ Հիշեցնենք, որ ԱԺ նախագահ Ալեն Սիմոնյանը Քաթարի կառավարության հրավերով եւ ծախսերով մեկնել էր Քաթար, նրան ուղեկցել էին Համլետ Գեւորգյանն ու Հակոբ Հաջի Հակոբյանը՝ պետբյուջեի հաշվին։

ԱԺ-ից տեղեկացրել են նաեւ, որ ավիատոմսերի համար ծախսվել է 918 հազար 112 ՀՀ դրամ, օրապահիկ է hատկացվել, որը, ըստ կառավարության համապատասխան որոշման 2-րդ հավելվածի, կազմում է 117 դոլար, գիշերավարձի ծախսերը՝ 191 դոլար, 2 անձի դեպքում՝ համապատասխանաբար, 234 եւ 382 դոլար։ Հիշեցնենք նաեւ, որ Հակոբ Հաջի-Հակոբյանը նախկինում աշխատել է ԱԳՆ-ում՝ եղել է հյուպատոսական վարչության պետ, 2012-13 թվականներին դատվել է հյուպատոսական անօրինական գործարքների համար։ Մոտ մեկ տարի առաջ է ընդունվել ԱԺ-ում աշխատանքի։ Նրա դուստրը Ռուբեն Ռուբինյանի ընկերուհին է եւ ԱԺ պատգամավորի օգնական։

Մանրամասները՝ թերթի այսօրվա համարում։