կարևոր
1882 դիտում, 2 ամիս առաջ - 2022-12-01 18:56
Հասարակություն

Տեղի ունեցավ Լևոն Շանթի դիմաքանդակի բացման արարողությունը

Տեղի ունեցավ Լևոն Շանթի դիմաքանդակի բացման արարողությունը

Նոյեմբերի 30-ին Երևանի Լևոն Շանթի անվան թիվ 4 հիմնական դպրոցում կայացավ հայ մեծանուն գրող, դրամատուրգ, հասարակական-քաղաքական գործիչ, Համազգային հայ կրթական և մշակութային միության հիմնադիր Լևոն Շանթի դիմաքանդակի բացման արարողությունը։

Բացման արարողությանը ներկա էին Համազգային հայ կրթական և մշակութային միության Կենտրոնական վարչության անդամ Արտաշես Շահբազյանը, Համազգայինի Երևանի գրասենյակի տնօրեն Ռուզան Առաքելյանը և հանրային գործիչ, ՀՅԴ անդամ, խմբագիր, հրապարակագիր Վաչե Բրուտյանը։

Համազգային հայ կրթական և մշակութային միության անունից ելույթ ունեցավ ԿՎ անդամ Արտաշես Շահբազյանը։

Երևանի գրասենյակի տնօրեն Ռուզան Առաքելյանը դպրոցի գրադարանին նվիրեց Համազգայինի Երեւանի գրասենյակի կողմից հրատարակված գրքերից։

Համազգայինի Երևանի գրասենյակ