ԱՄՆ նախագահ Բայդենը չի կարողացել ճիշտ արտասանել Ռիշի Սունակի անունը․The Telegraph

ԱՄՆ նախագահ Ջո Բայդենը սխալ է արտասանել Մեծ Բրիտանիայի ֆինանսների նախկին նախարար Ռիշի Սունակի անունը՝ կառավարության ղեկավարի պաշտոնում նշանակման կապակցությամբ շնորհավորական ուղերձի ժամանակ, գրում է Telegraph-ը:

«Բայդենը Սպիտակ տանը հնդկական Դիվալի տոնի կապակցությամբ կազմակերպված միջոցառման ժամանակ ընդգծել է կարեուորությունը, որ առաջին անգամ Հնդկաստանից ներգաղթյալների սերնդին հաջողվել է երկրում բարձր քաղաքական պաշտոն զբաղեցնել։ Սակայն նա սխալ է թույլ տվել՝ նրան «Ռաշի Սանուկ անվանելով» »,- նշվում է հոդվածում։

Երկուշաբթի Ռիշի Սունակը ընտրվել է Մեծ Բրիտանիայի իշխող պահպանողական կուսակցության ղեկավար, նա նաեւ կզբաղեցնի երկրի վարչապետի պաշտոնը: Սունակը կդառնա այս տարի Բրիտանիայի արդեն երրորդ վարչապետը: