ԱՄՆ-ում Չինաստանի դեսպանատունը պահանջել է դադարեցնել Թայվանին զենքի մատակարարումը

ԱՄՆ-ն պետք է դադարեցնի Թայվանին զենք մատակարարել, Պեկինն իրեն իրավունք է վերապահում պատասխանելու օտարերկրյա ուժերի կղզու շուրջ ստեղծված իրավիճակին միջամտելու դեպքում, հայտարարել են Վաշինգտոնում ՉԺՀ դեսպանատանը:

«ԱՄՆ-ը պետք է համապատասխանի մեկ Չինաստանի սկզբունքին եւ երեք համատեղ չին-ամերիկյան պաշտոնական կառավարական հաղորդագրությունների դրույթներին, դադարեցնի Թայվանի հետ պաշտոնական փոխգործակցությունն ու ռազմական կապերը, դադարեցնի Թայվանին զենքի վաճառքը եւ կոնկրետ միջոցներ ձեռնարկի «Թայվանի անկախությունը» չաջակցելու իր պարտավորությունը կատարելու համար», - ՌԻԱ Նովոստիին ասել է Չինաստանի դեսպանատան պաշտոնական ներկայացուցիչ Լյու Պենյուն:

Նա ընդգծել է, որ Պեկինը սպասում է Չինաստանի վերամիավորմանը եւ Թայվանի քաղաքացիական պատերազմի ժառանգության մնացած հարցի լուծմանը: «Մենք ձգտելու ենք խաղաղ վերամիավորման առավելագույն անկեղծությամբ եւ ջանքերով», - ասել Է դիվանագետը:

«Ընդ որում, մենք մեզ հնարավորություն ենք վերապահում ձեռնարկել բոլոր անհրաժեշտ միջոցները՝ ի պատասխան օտարերկրյա ուժերի միջամտության եւ «Թայվանի անկախության» մի խումբ անջատողականների պառակտիչ գործունեության», - հայտարարել է նա: