Գերմանիան շուտով Ուկրաինային հետեւակի Marder 100 հին մարտական մեքենաներ մատակարարելու որոշում կկայացնի

Կառավարության ներկայացուցիչն ասել է,որ Գերմանիան շուտով Ուկրաինային հետեւակի Marder 100 հին մարտական մեքենաներ մատակարարելու որոշում կկայացնի, եւ դա գերմանական ծանր սպառազինության առաջին առաքումը կլինի Ուկրաինա:

Գերմանական Rheinmetall պաշտպանական ընկերությունը մեքենաները Ուկրաինա արտահանելու թույլտվություն է խնդրել, Reuters-ին հայտնել է պաշտպանական աղբյուրը, որը մտադիր է առաջիկա ամիսներին մինչեւ առաքումը դրանք վերանորոգել:

Գերմանիայի կառավարության պաշտոնական ներկայացուցիչը չի նշել, թե երբ կընդունվի Marder-ի գործարքի վերաբերյալ որոշումը:

Պաշտպանության նախարար Քրիստին Լամբրեխտն անցյալ շաբաթ իշխող կոալիցիային ուղղված նամակում գրել էր, որ Ուկրաինա զենքի արտահանման հարցումները «կուսումնասիրվեն բացարձակ առաջնահերթությամբ: Նախարարների կաբինետում համաձայնեցումից հետո դրանց վերաբերյալ որոշում կկայացվի նույն օրը՝ ընդհանուր կանոնով»։