«Բռնապետը դարձել է միջնորդ». ինչպես են արձագանքել եվրոպական ԶԼՄ-ները թուրքական միջնորդությանը

Գերմանական N-tv հեռուստաալիքը հրապարակել է հոդված հետևյալ բովանդակությամբ. «Ո՛չ Էմանուել Մակրոնը կամ Օլաֆ Շոլցը, ո՛չ Իսրայելը կամ Շվեյցարիան, ո՛չ Հռոմի պապը կամ ՄԱԿ-ը խաղաղության բանակցությունների հարթակ չեն կազմակերպում. հենց Անկարայի բռնապետն է դարձել միջնորդ (ռուս-ուկրաինական) պատերազմում»։

Ֆրանսիական լիբերալ Contrepoints առցանց հրատարակություն գրում է, որ «Թուրքիան փոխարինել է Ֆրանսիային»:

«Այս հավասարակշռված խաղը Թուրքիային ազդեցություն է տալիս և առավել քան երբևէ թույլ տալիս դառնալ քաղաքական, տնտեսական և քաղաքակրթական խաչմերուկ, ինչը հնարավորություն է տալիս թուրք առաջնորդներին պահպանելու իրենց ուկրաինացի և ռուս գործընկերների վստահությունը… Եվրոպայի համար ողբերգական է, որ դիվանագիտության և միջնորդության ոլորտում Ֆրանսիային և, այսպես կոչված, լիբերալ դեմոկրատիաներին այժմ փոխարինում է ոչ լիբերալ թուրքական ռեժիմը», - գրել է պարբերականը: