Մեծ Բրիտանիայի ԶՈՒ նախարարն անսպասելիորեն ժամանել է Ադրբեջան

Մեծ Բրիտանիայի զինված ուժերի նախարար Ջեյմս Հեփին մեկօրյա այցով Բաքվում է։ Սա այս երկրի զինված ուժերի նախարարի առաջին այցն է Ադրբեջան։ Այս մասին հայտնում է Ադրբեջանում Մեծ Բրիտանիայի դեսպանատունը։

Այցի շրջանակներում հանդիպումներ կանցկացվեն Ադրբեջանի պաշտպանության նախարար Զաքիր Հասանովի և արտգործնախարար Ջեյհուն Բայրամովի հետ։

Քննարկման հիմնական թեմաները կլինեն պաշտպանության ոլորտում Միացյալ Թագավորության և Ադրբեջանի միջև համագործակցության ընդլայնման հնարավորությունը, Ուկրաինայում տիրող իրավիճակը, Հայաստանի և Ադրբեջանի միջև չլուծված խնդիրները և խաղաղ գործընթացի վիճակը։ Նախարարը կքննարկի նաև ականազերծման ոլորտում համագործակցությունը։

Նշենք, որ երեկ Հեփին եղել է նաև Վրաստանում, հանդիպել վարչապետ Իրակլի Ղարիբաշվիլիի և ՊՆ ղեկավար Ջուանշեր Բուրչուլաձեի հետ: