Այս պահին Հայաստանի վրա Ադրբեջանի կողմից հարձակման վտանգ կա. Կոտենոկ

Հայաստանից իմ աղբյուրների հաղորդմամբ՝ այս պահին Մեղրի բնակավայրի տարածքում` Իրանի և Ադրբեջանի սահմանի հանգույցում, ադրբեջանական զինուժի կողմից Հայաստանի վրա հարձակման վտանգ կա. իր թելեգրամյան ալիքում հայտնել է ռուս ռազմական թղթակից, Շուշիի Ղազանչեցոց եկեղեցում ադրբեջանական հարձակման հետևանքով վիրավորված Յուրի Կոտենոկը:

«Նախիջևանի հարակից տարածքում գրանցվել է զորքերի կենտրոնացում։ Հնարավոր է, որ Բաքուն որոշել է արագացնել, այսպես կոչված, Զանգեզուրի (Սյունիք) միջանցքի ստեղծման գործընթացը Երեւանի վրա ուժային ճնշում գործադրելու միջոցով, այն պայմաններում, երբ Ռուսաստանի ողջ ուշադրությունն ու ռեսուրսները շեղված են Ուկրաինայում հատուկ գործողության վրա», - նշել է Կոտենոկը: