ԵԽԽՎ-ն պաշտոնապես ճանաչել է Մերձդնեստրը որպես «ռուսական օկուպացիայի գոտի»

ԵԽԽՎ-ն մարտի 15-ի նիստում Մերձդնեստրը ճանաչել է որպես «ռուսական օկուպացիայի գոտի»։ ԵԽԽՎ անդամներն աջակցել են բանաձեւին, իսկ վերջնական որոշումը ԵԽ Նախարարների կոմիտեն կընդունի մարտի 17-ին։ Այս մասին հայտնում է РБК-Ուկրաինան՝ հղում կատարելով Eurointegration-ին:

Հաղորդվում է, որ ԵԽԽՎ-ն միաձայն հաստատել է Մերձդնեստրը որպես ռուսական օկուպացիայի գոտի պաշտոնապես ճանաչելու լրացումը:

Հարկ է նշել, որ Մոլդովայի ներկայացուցիչները չեն մասնակցել այս փոփոխության մշակմանը, սակայն դեմ չեն քվեարկել։

«Ռուսաստանի Դաշնությունը Մոլդովայի Հանրապետության դեմ ռազմական ագրեսիայի ակտ և, համապատասխանաբար, Մերձդնեստրի տարածաշրջանի օկուպացիա է իրականացրել»,- այսպիսի փոփոխություն են առաջարկել ԵԽԽՎ անդամները։