ԻՀՊԿ-ը ստանձնել է Էրբիլին հրթիռային հարված հասցնելու պատասխանատվությունը

Իսլամական հեղափոխության պահապանների կորպուսը (ԻՀՊԿ, Իրանի զինված ուժերի էլիտար զորամասեր) ստանձնել է Էրբիլին ուղղված հրթիռային հարվածի պատասխանատվությունը, որի նպատակը եղել է Իրաքում իսրայելական օբյեկտները: Հայտարարությունը մեջբերել Է իրանական «Երիտասարդ լրագրողների ակումբ» գործակալությունը։

«Անցյալ գիշեր սիոնիստների դավադրությունների ռազմավարական կենտրոնը ենթարկվել է ԻՀՊԿ-ի կողմից հրթիռակոծմանը», - ասված է հաղորդագրության մեջ: Նշվում է, որ հարվածը հասցվել է «Իսրայելի վերջին հանցագործություններից հետո»:

«Մենք եւս մեկ անգամ նախազգուշացնում ենք հանցավոր սիոնիստական ռեժիմին, որ թշնամական գործողությունների կրկնությունն ուղեկցվելու է կոշտ, վճռական եւ կործանարար պատասխանով», - հայտարարում է կառույցը:

Ավելի վաղ հայտնել էինք, որ գիշերը Իրաքի Էրբիլը հրթիռակոծվել է ԱՄՆ գլխավոր հյուպատոսության շրջանում։