ՌԴ պաշտպանության նախարարությունը զգուշացնում է «հնարավոր ռադիոակտիվ սադրանքի» մասին

ՌԴ ՊՆ-ն պնդում է, որ Ուկրաինան Խարկովում «սադրանք է նախապատրաստում՝ տարածքի հնարավոր ռադիոակտիվ աղտոտմամբ»։

ՌԴ ռազմական գերատեսչության հաղորդագրության մեջ ասվում է․ «Ուկրաինան Ազովի գումարտակի զինյալների հետ սադրանք է նախապատրաստում՝ Խարկով քաղաքի մերձակա տարածքի հնարավոր ռադիոակտիվ աղտոտմամբ։ Ազգայնականները ականապատել են Խարկովի ֆիզիկատեխնիկական ինստիտուտում տեղակայված փորձարարական միջուկային օբյեկտի ռեակտորը: Ազովի գումարտակը ծրագրում է պայթեցնել ռեակտորը և մեղադրել Ռուսաստանի զինված ուժերին փորձարարական միջուկային օբյեկտի վրա իբր հրթիռային հարձակման մեջ»:

Ռուսաստանի Դաշնության պաշտպանության նախարարությունը նշել է, որ «օտարերկրյա լրագրողները մարտի 6-ին ժամանել են Խարկով՝ արձանագրելու սադրանքի հետևանքները, որ հետագայում էկոլոգիական աղետ ստեղծելու համար մեղադրեն Ռուսաստանի Դաշնությանը»։