ՀՐԱՏԱՊ. Դոնեցկի ղեկավարը հայտարարել է Դոնբասի բնակիչների զանգվածային տարհանման մասին դեպի Ռուսաստան

Դոնեցկի ղեկավար Դենիս Պուշիլինը հայտարարել է Դոնբասի բնակչության տարհանման մասին, քանի որ Ուկրաինայի նախագահ Վլադիմիր Զելինսկին պատրաստվում է հարձակման:

«Ուկրաինան ամեն օր զորք է կուտակում շփման գծում: Այսօր նրանց զենքերն ուղղված են խաղաղ բնակիչների դեմ»,- ասել է Պուշիլինը։

«Այսօրվանից կազմակերպվել է բնակչության զանգվածային կենտրոնացված մեկնում Ռուսաստանի Դաշնություն, առաջին հերթին տարհանման են ենթակա կանայք, երեխաները, տարեցները»,- հավելել է նա:

Պուշիլինը պարզաբանել է, որ արդեն պայմանավորվածություն կա Ռուսաստանի Դաշնության ղեկավարության հետ Ռոստովի մարզում մարդկանց տեղաբաշխման վերաբերյալ։ Բոլոր պայմանները ստեղծվել են անցակետերով արագ անցնելու համար։