Թուրքիայում սկսել են ձերբակալել համացանցում Օմիկրոնով վարակվելու կապակցությամբ Էրդողանին ծաղրողներին

Ստամբուլի դատախազությունը կիրակի հետաքննություն է սկսել սոցցանցերի օգտատերերի նկատմամբ, որոնք վիրավորական հաղորդագրություններ են հրապարակել Թուրքիայի նախագահ Ռեջեփ Թայիփ Էրդողանի այն հայտարարության կապակցությամբ, թե ինքը վարակվել է Օմիկրոն շտամով:

NTV հեռուստաալիքի տվյալներով՝ Ստամբուլի Բաղջըլար թաղամասում արդեն ձերբակալվել է առնվազն մեկ կասկածյալ։ Նա մեղադրվում է հանցագործություն համարելու համար բավարար սադրիչ և վիրավորական բովանդակություն հրապարակելու մեջ։

Ներկայումս հանրապետությունում գործում է նախագահին վիրավորելու մասին օրենք, ըստ որի՝ անձը կարող է ենթարկվել քրեական պատասխանատվության։ Այս խախտումը պատժվում է ազատազրկմամբ՝ 1-4 տարի ժամկետով։

Նախօրեին Էրդողանը սոցցանցերում հայտնել էր, որ վարակվել է կորոնավիրուսի Օմիկրոն շտամով։ Նրա խոսքով՝ հիվանդությունն ընթանում է թեթև ձևով։ Թուրքիայի առողջապահության նախարար Ֆահրեթթին Քոջան էլ նշել էր, որ հիվանդությունը չի խանգարում նախագահին՝ շարունակել իր աշխատանքը։

Թուրքիայի նախագահը 2021 թվականին պատվաստվել էր չինական «Սինոֆարմ» պատվաստանյութով։

Փետրվարի 3-ին Էրդողանն այցելել էր Ուկրաինա, որտեղ բանակցություններ էր վարել նախագահ Վլադիմիր Զելենսկիի հետ։ Կիևում էր եղել նաև Էրդողանի կինը։