Ատելության ու թշնամանքի է արժանանում առհասարակ հայկականության հետ առնչվող ցանկացած երևույթ․ ՄԻՊ

Ադրբեջանական պետական հովանավորչությամբ ատելության քաղաքականությունը հիմնված  է երկու հիմնարար հենասյուների վրա՝ կրոնական պատկանելությունը և էթնիկ պատկանելությունը․ լրագրողների հետ հանդիպման ժամանակ ասաց ՀՀ ՄԻՊ Արման Թաթոյանը։

«Ատելության ու թշնամանքի է արժանանում ոչ միայն Արցախի ու Հայաստանի, այլև, առհասարակ, հայկականության հետ առնչվող ցանկացած երևույթ՝ սկսած երկրին վերաբերող ատելությունից, մասնավորապես, որ ՀՀ գոյություն չունի, պատմական ադրբեջանական տարածներ են և այլն։ Ամենակարևորը, որ պետք է նկատի ունենալ՝ ադրբեջանական իշխանությունները հատկապես թիրախավորում են սովորական մարդկանց։ Այստեղ ակնհայտ է, որ խոսքը ոչ միայն իշխանությունների քաղաքականության, պետականության, այլ նաև մարդկանց թիրախավորման մասին է»,- ասաց ՄԻՊ-ը։