Մեր մարտական ​​անօդաչու սարքերը կարող են խոցել ցանկացած թիրախ, եթե անհրաժեշտ լինի. Իրան

Իսլամական հեղափոխության պահապանների կորպուսի ցամաքային զորքերի հրամանատար, բրիգադային գեներալ Մոհամադ Փաքփուրը դեկտեմբերի 22-ին «Մեծ մարգարե» զորավարժությունների ժամանակ հայտարարել է անօդաչու թռչող սարքերի ոլորտում ձեռքբերումների մասին. հայտնում է Mehr-ը։

«Մենք ձեռք ենք բերել և տեղայնացրել անօդաչու թռչող սարքերի արտադրության և վերարտադրման տեխնոլոգիա, և մեր մարտական անօդաչու թռչող սարքերը կարող են խոցել ցանկացած թիրախ, եթե անհրաժեշտ լինի... Բացի դրանից`  ռադիոէլեկտրոնային պատերազմի մեր տեխնոլոգիան շատ է փոխվել անցյալի համեմատ՝ քանակապես և որակապես»,- ասել է նա:

Գեներալը նշել է, որ Իսլամական հեղափոխության պահապանների կորպուսի ցամաքային ուժերը ի վիճակի են ամենակարճ ժամանակում իրենց արագ արձագանքման ուժերը տեղափոխել մարտական տարածք։