Բայդենը հայտարարել է Մոսկվայի դեմ նոր զսպող միջոցների մասին

ԱՄՆ նախագահ Ջո Բայդենը նախապատրաստում է մի շարք նախաձեռնություններ, որոնք կոչված են թույլ չտալու Ռուսաստանի առաջնորդ Վլադիմիր Պուտինին` Ուկրաինայի հետ լարվածության սրման քայլեր ձեռնարկել, որոնցից վախենում է համաշխարհային հանրությունը: Այս մասին ուրբաթ՝ դեկտեմբերի 3-ին, հայտարարել է Սպիտակ տան ղեկավարը՝ պատասխանելով լրագրողների հարցերին։

Բայդենը նշել է, որ ԱՄՆ պետքարտուղար Էնթոնի Բլինքենը և ԱՄՆ ազգային անվտանգության հարցերով խորհրդական Ջեյք Սալիվանը սերտ կապեր են պահպանում եվրոպացի և ուկրաինացի գործընկերների հետ՝ կապված Ուկրաինայի հետ սահմանին ռուսական զորքերի կուտակման ֆոնին աճող լարվածության հետ:

«Ես կազմում եմ մի շարք քայլեր, որոնք, կարծում եմ, կլինեն ամենաընդգրկունն ու նպատակահարմարը, որպեսզի թույլ չտամ Ռուսաստանի նախագահ Վլադիմիր Պուտինին` իր գործողություններում առաջ գնալ», - ասել է ԱՄՆ նախագահը։