Գեղամավանի գյուղապետարանի աշխատակիցները գործադուլ են հայտարարել․ ՏԵՍԱՆՅՈՒԹ

Գեղարքունիքի մարզի Գեղամավան գյուղում բնակիչները բողոքի ձայն էին բարձրացրել: Պատճառը Սեւան խոշորացված համայնքի ՏԻՄ ընտրությունների նախաշեմին գյուղապետի ժամանակավոր պաշտոնակատարի նշանակումն է:

Մարդիկ զայրացել են և ընդվզել, քանի որ իշխանությունները գյուղապետի պաշտոնակատար են նշանակել մինչեւ 2016 թվականը 34 տարի գյուղապետ եղած Մնացական Վարդանյանին։ Մարդկանց խոսքով՝ իշխանությունը գյուղի ղեկավար է նշանակել մեկին, որին գյուղը մերժել է դեռ 2016 թվականին:

Բնակիչները հեգնում էին նախկիններին մերժող իշխանությանը, որի հենարանը, սակայն, շարունակում են հանդիսանալ ամենամերժելի նախկինները:

Գյուղապետարանի աշխատակիցները գործադուլ են հայտարարել՝ պահանջելով հանդիպում մարզպետի հետ:

Մարդկանց խոսքով նորանշանակ պաշտոնակատարի ղեկավարման տարիներին գյուղում տիրել է քաոսը, եւ բնակիչները պարզապես չեն ցանկանում վերադառնալ այդ, իրենց բնորոշմամբ, անտերության տարիներ:

Մանրամասները՝ տեսանյութում։

Տես նաև՝  Լարված իրավիճակ՝ Գեղամավանում: