Թուրքիան Ուկրաինային կվաճառի «Աքընջը» անօդաչու սարքեր

Թուրքիան Ուկրաինային կվաճառի «Աքընջը» անօդաչու սարքեր։ Դրանք արտադրող «Բայրաքթար» ընկերության գործադիր տնօրենն ասել է, որ «Աքընջը»-ն կարող է ռազմավարական գործիք դառնալ նաև Ուկրաինայի համար։

«Բայրաքթար»-ն արտադրում է և՛ TB2, և՛ «Աքընջը»: Առաջինը միջին բարձրության անօդաչու թռչող սարք է՝  թռիչքի երկար տևողությամբ, թեւերի՝ մոտ 12 մետր բացվածքով և առավելագույն 7315 մետր բարձրությամբ։ Այն կարող է զինվել լազերային կառավարվող չորս հրթիռով։

«Աքընջը»-ն կարող է կրել տարբեր զինատեսակներ, այդ թվում՝ MAM-L հրթիռներ: Այն կարող է նաև արձակել թուրքական Roketsan SOM հեռահար թեւավոր հրթիռները, որոնք կարող են խոցել թիրախներ մինչև 241 կիլոմետր հեռավորության վրա։