Անկարան և Վաշինգտոնը քննարկել են Արցախյան հակամարտությունը

Հեռախոսազրույց է տեղի ունեցել Թուրքիայի նախագահի մամուլի քարտուղար Իբրահիմ Քալընի և ԱՄՆ նախագահի ազգային անվտանգության հարցերով խորհրդական Ջեյք Սալիվանի միջև։

Զրույցի թեմաներից մեկը եղել է Արցախում խաղաղության և կայունության ապահովումը. հաղորդում է թուրքական NTV հեռուստաալիքի կայքը։

Կողմերը քննարկել են նաև քաղաքական իրավիճակը և Աֆղանստանին մարդասիրական օգնությունը, Սիրիայի տարածքային ամբողջականությունը և նրա տարածքը ահաբեկչությունից մաքրելը, Լիբիայի քաղաքական գործընթացն ու ընտրությունները, Ուկրաինայի արևելյան զարգացումները, լեհ-բելառուսական սահմանին միգրանտների խնդիրը և Արևելյան Միջերկրական ծովը։