Լավրովը ԵԽ ղեկավարի հետ կքննարկի Արցախյան հակամարտությունը. ՏԱՍՍ

Ռուսաստանի արտգործնախարար Սերգեյ Լավրովը երկուշաբթի բանակցություններ կվարի Եվրոպայի խորհրդի (ԵԽ) գլխավոր քարտուղար Մարիա Պեյչինովիչ-Բուրիչի հետ, որն աշխատանքային այցով Ռուսաստանի մայրաքաղաքում է:

Հնարավոր է, որ առաջիկա հանդիպման ժամանակ Լավրովն ու Պեյչինովիչ-Բուրիչն անդրադառնան նաև միջազգային խնդիրներին, առաջին հերթին՝ Բելառուսում և Լեռնային Ղարաբաղում տիրող իրավիճակին:

Ռուսաստանի և Եվրախորհրդի դիրքորոշումը Լեռնային Ղարաբաղում իրավիճակի վերաբերյալ նույնն է: Կողմերը համոզված են, որ անհրաժեշտ է շուտափույթ դադարեցնել ռազմական գործողությունները՝ բանակցային սեղանի շուրջը խաղաղ լուծում գտնելու համար: