Բաքվի ռազմական դատարանը Ադրբեջանի ազգային հերոսին դատապարտել է 10 տարվա ազատազրկման։

Ադրբեջանի գեներալ-լեյտենանտ Ռովշան Աքբերովը մեղավոր է ճանաչվել գործարար Էլչին Ալիևի կանխամտածված սպանության մեջ, որը տեղի է ունեցել Կիևում 2001 թվականին։ Նրա բոլոր զինվորական և պատվավոր կոչումները պահպանվում են. հայտնում են ադրբեջանական ԶԼՄ-ները:

Ռովշան Աքբերովը ծնվել է Բաքվում, ավարտել է Կիևի համազորային սպառազինության բարձրագույն հրամանատարական դպրոցը։ Մասնակցել է Ղարաբաղյան առաջին պատերազմին և 1995 թվականի ոստիկանության հատուկ ստորաբաժանման հակակառավարական ապստամբության ճնշմանը։

Էլչին Ալիեւի սպանության գործը երկար ժամանակով կասեցվել էր. քննիչներին չէր հաջողվել պարզել կասկածյալի ինքնությունը: 2021 թվականի մարտին Աքբերովը ձերբակալվել էր։