Գերմանական դատարանը 16-ամյա իսլամական աղջկան դատապարտել է 6 տարվա ազատազրկման

Ներքին Սաքսոնիայի Ցելլե քաղաքի դատարանը ծագումով Մարոկկոյից` Գերմանիայի քաղաքացի, 16-ամյա Սաֆիա Ս.-ին ոստիկանի դեմ մահափորձի ու ահաբեկչական խմբավորումների աջակցելու համար դատապարտել է 6 տարվա ազատազրկման. հայտնում է РИА Новости-ն:

Անչափահաս ահաբեկչի գործով դատավարությունը սկսվել էր անցյալ տարվա հոկտեմբերին և անցկացվում էր անվտանգության խստացված պայմաններում: Մամուլը ևս մուտք չուներ դատական նիստերի դահլիճ: 

2016 թվականի փետրվարի 26-ին այն ժամանակ դեռևս 15 տարեկան Սաֆիան դանակահարել էր 34-ամյա ոստիկանի, որին անմիջապես տեղափոխել էին հիվանդանոց ու վիրահատել:

Նշվում է, որ դպրոցական աղջիկը պատրաստվում էր փախչել Սիրիա ու միանալ ԻՊ-ին: Նրան կանգնեցրել էին Սիրիայի ու Թուրքիայի սահմանին: Մորը թույլ էին տվել աղջկան տանել տուն: