Իսրայելը հավանություն է տվել ռուսական «Սպուտնիկ» պատվաստանյութին

Իսրայելը թույլ կտա ռուսական «Sputnik V» դեղամիջոցով պատվաստված զբոսաշրջիկների մուտք՝  սկսած հաջորդ ամսից. հայտնում է The Jerusalem Post-ը։

Այս մասին հայտարարել են վարչապետ Նաֆթալի Բենեթի գրասենյակում, որն օրեր առաջ պաշտոնական այցով եղել է Ռուսաստանում և հանդիպել Վլադիմիր Պուտինի հետ։

Բենեթն ավելի վաղ ասել էր, որ Իսրայելը կընդունի միայն այն պատվաստանյութերով պատվաստված ճանապարհորդներին, որոնք հաստատված են ԱՄՆ Սննդի և դեղերի վարչության, Եվրոպական դեղամիջոցների գործակալության կամ Առողջապահության համաշխարհային կազմակերպության կողմից:

Հատկանշական է, որ Sputnik V-ն այս մարմիններից ոչ մեկի հավանությանը չի արժանացել։