Թուրքիայում լրտեսության մեղադրանքով ձերբակալվել է չորս ռուսաստանցի

Թուրքիայում ռազմական և քաղաքական լրտեսության մեղադրանքով ձերբակալել են Ռուսաստանի չորս, Ուկրաինայի մեկ և  Ուզբեկստանի մեկ քաղաքացու. գրում է Hurriyet- ը:

Ըստ թերթի՝ նրանք մեղադրվում են նաև չեչեն ընդդիմադիրների վրա հարձակումներ նախապատրաստելու մեջ։

Regnum-ը հստակեցնում է, որ ձերբակալվել են Ռուսաստանի քաղաքացիներ Ասլանբեկ Աբդուլմուսլիմովը, Աբդուլլա Աբդուլաևը, Ռավշան Ահմեդովը և Բեսլան Ռասաևը:

Ձերբակալությունը տեղի է ունեցել հոկտեմբերի 8-ին Ստամբուլի գլխավոր դատախազության հետաքննության շրջանակներում տեղի ունեցած գործողության ընթացքում: 

Տեղեկություններ կային, որ ձերբակալվածները Չեչնիայից են: ՌԴ նախագահի մամուլի քարտուղար Դմիտրի Պեսկովը հայտնել է, որ Կրեմլը տեղեկություն չունի Թուրքիայում ռուսաստանցիների կալանավորման մասին։