Թուրքիայում լրտեսության համար 34 զինվորի են ձերբակալել

«Սելամ-Թեհվիդ» ահաբեկչական կազմակերպության գործունեության հետաքննության ընթացքում Կ.Պոլսի գլխավոր դատախազությունը հրահանգել է ձերբակալել 34 զինվորականի, ովքեր մեղադրվում են լրտեսության, ահաբեկչական կազմակերպության գործունեությանը մասնակցելու և կառավարության աշխատանքին խոչընդոտելու փորձերի համար:

Ըստ T24-ի՝ զինվորները ձերբակալվել են մի շարք գործունեությունների մասնակցելու համար, որոնց նպատակը եղել է Թուրքիայի կառավարության տապալումն ու դրա աշխատանքի խոչընդոտումը:

 «Սելամ-Թեհվիդ»-ի անդամներից են համարվում կրոնական գործիչ Ֆեթուլլահ Գյուլենի ստեղծած «Հիզմեթ» շարժման անդամները։ Նրանց մեղադրում են Թուրքիայի բարձրաստիճան ղեկավարների հեռախոսների անօրինական գաղտնալսման մեջ։