Հունաստանը, Եգիպտոսը և Կիպրոսը դատապարտել են Թուրքիային

Հունաստան-Եգիպտոս-Կիպրոս գագաթնաժողովին հաջորդած մամուլի ասուլիսում Հունաստանի առաջնորդ Կիրյակոս Միցոտակիսը դատապարտել է Միջերկրական ծովում Թուրքիայի ագրեսիվ հռետորաբանությունը. «Մեր դիրքորոշումները համընկնում են Թուրքիայի սադրանքներն ու գիշատիչ հռետորաբանությունը դատապարտելու հարցում: Ցավոք, Անկարայի ղեկավարությունը կարծես թե չի հասկանում մեր ժամանակների իրողությունները: Թուրքիայի ձգտումները սպառնալիք են ներկայացնում ողջ տարածաշրջանի խաղաղության համար»:

Համատեղ հռչակագրում երեք երկրները կոչ էին անում դուրս բերել բոլոր օտարերկրյա զորքերին և վարձկաններին Լիբիայից, իսկ լիբիա-թուրքական համաձայնագիրը՝ ստորագրված ծովային սահմանի մասին` 2019 թ. նոյեմբերին, ճանաչվել է «միջազգային իրավունքի, երրորդ պետությունների ինքնիշխան իրավունքների  խախտում և տարածաշրջանային կայունության խաթարում»: